Chumui

Chumui nahar wi naidi
phurmung bini bahai?
tula bwsate ahai da
siyari buthup hai da

birwi lai o chumui
nobar sib sib borwi
mwkhang bini le
phliksa no juda

hao tong twtwi nugwi
a birsajak chumui rokno
kha bising basang ani
motokma kwbang phaio

chumui hai angbo wngnai
chumui hai angbo birnai
langma ni sal hor o
angbo birsawi sibnai

Rwchabmung

Mura saka nokha nangtwi
Nugo ang kuchuk khorok
Jotoni kuchugo a khorok
lama twi him twtwi
hachal ni simi nuhuro
A kebeng kuchuk khorok
Kwkhrangroro chumui birjak
khorogo nugo kwbang phang
Thangna le muchungo
A khorok hathai o
kasa wi nainani muchungo
A khorok hachal o
Tamo le nuknai ang
Aphru hathai ni simi
Thangna le muchung phano
A khorogo kasa na
Abole sai wi manya
bwswk lenglama tai
bwswk se kosto twi tong
mokol le muchungo
yakung le lero
bwkha le muchungo
sak le lengo
Hai phano thangna le muchungo
Salsa ya salsa hathai kuchugo.

Je kasa wi kha
bohrokni kok le
Saimano borokrok
kasa mani le nukya
kasajak le nugnai.


-jal