Phurki

Chini nogo tongo phurki kwbangma
Sofa ni sakao tei porima tebil saka o
Noganti ni ayango tei maichama nogo bo;
Satung , uatwi, nobar tei haduli joto
Phurki twino nogo phai hab rwrwgo
Porda ri naithokrok bai kholobjago.


Uatwi ni dop dop twi kwlai ma nugwi
salsa phurki ganao sofa o achuktwi
Nukkha kwkhrang bwlai rokni lorima
Uatwi ni sring sring twi klaima;
Puthi kangsa poriwi, phataro nahar
Phurkitwi nuhuro uatwi tei nobar
Pherang rog kogmani jlik phlikma bo
Buphangrokni sibjagwi mwsama rok bo.



- Blr (Kokborok poem)

Sal Dipor

Maimui cha baiwi sachlang
gudok tei mikhun rok ahai
Dipor jora ni satung no
Bo nuhur o tailam bising wi;
Khring khring sokphai kha
thuna jora hwnwi tabuk
Bo paka o lamthai bo wi
Fen ni tola ni telekar o
Dipor ni thuma o kwma kha.

Phataro khe tok rok pungtero
Borokni bo sal thagna nai ba,
Nogni aming tei swi rok gana o
tung tung khe gerogwi thujak;
Yango khe Sachlang imango kwmajak
Tabuk ba bini saltung ni suti ba
School ni porarok kwrwi khu,
Tabuk ba dipor ni thunani jora.



- Blr (Kokborok poem)